1. Ерөнхий зүйл
1.1.Энэхүү журмаар www.monwol.mn сайтын Англи дахь хаяг дээр шууд худалдан авалт хийж, барааг monwol.mn сайтаар тээвэрлүүлэн хүлээж авах үйлчилгээтэй холбоотой бүх төрлийн харилцааг зохицуулахад оршино.
1.2.Энэхүү харилцаанд monwol.mn сайт нь өөрийн Англи дахь хаяган дээр ирсэн барааг хүлээн авч, тээвэрлэлтэнд бэлтгэн Монгол улсруу агаараар явуулах болон хэрэглэгчид хүлээлгэж өгөх үүрэгтэй оролцоно.
1.3.Үйлчлүүлэгч энэ үйлчилгээг авахын тулд доорх журамтай бүрэн танилцаж, хүлээн зөвшөөрсөн тохиолдолд захиалгаа үүсгэж unurshop.mn сайтаар үйлчлүүлэх эрхтэй болно.
1.4.Үйлчилгээний журамтай танилцаагүйгээс үүдэн гарах аливаа алдаа эрсдэлийг monwol.mn сайт хариуцахгүй болно.
2. Захиалга
2.1.Та monwol.mn сайтны хаяг дээр шууд захиалга хийж үйлчилгээ авахын тулд эхэлж манай сайтанд бүртгүүлж, захиалгын дугаар авах шаардлагатай.
2.2.Та monwol.mn сайтанд бүртгүүлэхдээ захиалагч болон хүлээн авагчийн мэдээллийг крилл үсгээр үнэн зөв, бүрэн гүйцэд гаргацтай бөглөх шаардлагатай. /гаалийн анхан шатны мэдүүлэг болно/
2.3.Захиалгын дугаар авахдаа monwol.mn сайтны сагсанд захиалж байгаа барааны линк, тоо ширхэг, үнийн дүнг үнэн зөв бөглөж захиалгын дугаарыг авна. / гаалийн анхан шатны мэдүүлэг болно / Авсан захиалгын дугаараа барааг Англид хүлээж авах unurshop.mn сайтны хаягийн мэдээлэл дээр заавал бичнэ.
2.4.Үйлчлүүлэгч та энэ журмын 2.2, 2.3 заасаны дагуу захиалгын дугаар авсны дараагаар Англи улсын сайтнаас өөрийн шууд худалдан авалтыг эхлүүлж болно.
2.5.Дээрх журмын дагуу эхлүүлсэн захиалгынхаа order number болон хүргэгдэж ирэх хугацааны талаарх мэдээллийг monwol.mn сайт дээр үүсгэсэн захиалгын мессэж илгээх хэсэг дээр бичиж илгээнэ.
2.6.Таны илгээсэн мессэж болон захиалгийн дугаар дээрх барааны мэдээллийг үндэслэн monwol.mn сайт нь барааг хүлээн авч, бүртгэн, тээвэрлэлтэнд бэлтгэж, гаргана.
2.7.Энэхүү журмын 2.2, 2.3 заасан мэдээллүүд зөрөх, буруу дутуу бөглөснөөс үүдэн ачаа бараа шалгагдах, хил гааль дээр саатах, торгууль татвард орох аливаа эрсдэлийг monwol.mn сайт хариуцахгүй болно.
2.8.Энэ журмын 2.3-д заасны дагуу захиалгын дугаар аваагүй болон авсан дугаараа Англид барааг хүлээж авах monwol.mn сайтны хаягын мэдээлэл дээр бичээгүй тохиолдолд үйлчилгээний хөлс болгож 5 фунт нэмж авах болно.
2.9.Хаягын мэдээллийг бөглөхдөө: Хүлээн авагчын мэдээлэл дээр өөрийн нэр утасны дугаарыг бичнэ. Shipping address буюу хүлээн авах хаяг дээр monwol.mn сайтны Англи дахь хаягын мэдээллийг гараар бичиж бөглөх хэрэгтэй. Автоматаар гарч ирсэн сонголтуудаас бурууг сонгосон тохиолдолд бараа өөр хаягруу хүргэгдэх эрсдэлтэй.
Address: MONWOL (захиалгын дугаар), Unit 2 Safestore 0001, Colville Court, Winwick Quay, Warrington, United Kingdom
County: Cheshire (энэ хэсэг байвал бөглөнө, байхгүй тохиолдолд бөглөх шаардлагагүй!!!)
Post code: WA2 8QT
2.10.Хаягийн мэдээллийг unurshop.mn сайтын Холбоо барих хэсгээс харж бөглөнө.
3. Төлбөр
3.1.Та Англи улсын онлайн дэлгүүрээс шууд худалдан авалт хийж monwol.mn сайтны Англи дахь хаяг дээр хүргүүлэн авч байгаа тохиолдолд нийт авч байгаа барааны тоо ширхэгээс хамаарч monwol.mn сайтад нэмэлт төлбөр төлнө. Энэ төлбөрийг тээврийн төлбөрийн хамт олон улсын картаар төлнө.Та 1-5ш бараа тус бүрээс 1 фунт, 6-15ш бараа тус бүрээс 0,5 фунт, 16-30ш бараа тус бүрээс 0.2 фунт нэмж төлнө. 30 ширхэгээс дээш тоотой бараанд төлбөр тооцохгүй.
3.2.Monwol.mn сайтын Англи дахь хаяг дээр захиалга хийж буй үйлчлүүлэгч нь захиалсан барааны тээврийн төлбөрийг ачаа Монгол улсруу гарахаас өмнө төлнө./төлбөр олон улсын картаар хийгдэнэ/
3.3.Агаарын ачааны тээврийн жинг олон улсын агаарын тээврийн үнэлгээ бодох журмын дагуу тухайн ачааны бодит жин оврын жинг харьцуулан, аль илүү жингээр нь тээврийн төлбөрийг тооцож бодно. Агаарын ачаа 1кг нь 11 фунт стерлинг байна. /0,1-1000гр ачаа 1 кг-аар, 1000гр-аас дээш гр-аар бодогдоно.
3.4.Тээврийн төлбөрийг төлөхдөө monwol.mn сайтанд бүртгүүлсэн имэйл хаяг, нууц үгээрээ нэвтрэн орж, миний захиалгууд хэсэгт байгаа өөрийн захиалгын дугаар дээр гарсан тээврийн төлбөрийг төлнө./та үүсгэсэн захиалгаруугаа орж paypal болон payzone төлбөрийн системээс сонголтоо хийн төлбөрөө олон улсын картаар төлнө/
3.5. Үйлчлүүлэгчийн хүсэлтээр оврын хэмжээг багасгах зорилгоор хайрцгийг багасгах болон нэмэлт үйлчилгээ хийсэн тохиолдолд үйлчилгээ үзүүлсэн захиалга тутамд £3 нэмж төлнө.
4. Тээвэрлэлт
4.1. Monwol.mn сайтны Англи дахь хаягаар ирсэн бараа агаар болон газар гэсэн 2 замаар тээвэрлэнэ.
4.2.Агаарын ачаа Англи улсаас 7 хоног бүрийн 3 дахь өдөр гарна. Гарснаас хойш ажлын 14-28 хоногт Монголд ирнэ.
4.3.Газрын ачаа тогтмол гардаггүй бөгөөд Англи улсаас гарснаас хойш 2-3 сар болж Монголд ирнэ. ОХУ, Украйн Улсын хоорондын зөрчилөөний асуудлаас үүдэн экспресс газрын ачаа түр хугацаагаар гарахгүй байгаа.
4.4.Энэ журмын 4.2, 4.3-т заасан хугацаа олон улсын ачаа тээвэрлэлтийн ачаалал болон урьдчилан тооцоолох боломжгүй гэнэтийн шалтгааны улмаас дамжин өнгөрөх орнуудад ачаа саатсан тохиолдолд тээвэрлэлтийн хугацаа уртасч болно. Тээвэрлэлтийн саатал unurshop.mn сайтнаас шалтгаалаагүй тохиолдолд unurshop.mn сайт хариуцлага хүлээхгүй болно.
4.5.Шууд хаяган дээр худалдан авалт хийсэн үйлчлүүлэгч барааг хүлээж авахдаа тоо ширхэг, эвдрэл гэмтлийг сайтар шалган, бүрэн хүлээж авснаа баталгаажуулж гарын үсэг зурна.
4.6.Гарын үсэг зурж хүлээж авснаас хойш гарсан аливаа асуудалд unurshop.mn сайт хариуцлага хүлээхгүй болно.
4.7.Шуудан илгээмжээр тээвэрлэхийг хориглох зүйл: Шуудангийн тухай хуулийн 24-р зүйлд зааснаар
24.1.1.галт зэвсэг, байлдааны галт хэрэгсэл, тэсэрч дэлбэрэх болон цацраг идэвхт бодис, түргэн шатамхай бодис, орчиндоо аюул учруулж болох бусад хэрэгсэл;
24.1.2.хортон ургамал, амьтан;
24.1.3.хар тамхи, мансууруулах буюу хордуулах бодис;
24.1.4.хуульд өөрөөр заагаагүй бол Монгол Улсын болон гадаад улсын мөнгөн тэмдэгт;
24.1.5.түргэн муудах хүнсний бүтээгдэхүүн;
24.1.6.садар самууныг сурталчилсан хэвлэл, ном зохиол, зураг, кино, дүрс бичлэг, бусад материал;
24.1.7.хууль тогтоомжоор хориглосон бусад зүйл.
5. Гаалийн татвар болон бүрдүүлэлт
5.1.Монгол улсын хилээр орж ирж байгаа бараа бүтээгдэхүүний үнийн дүн, тоо ширхэг, жинг үндэслэн Гаалийн байгууллага нь Гаалийн болон Албан татварын хуульд заасны дагуу бараа бүтээгдэхүүнийг шалган саатуулж, татвар ногдуулах эрхтэй байдаг.
5.2.Татварыг тооцохдоо барааны худалдаж авсан үнийн дүн дээр тээврийн зардлыг нэмж, нийт гарсан үнийн дүнгээс 15,5%-аар тооцож гаргана.
5.3.Таны авсан бараа гааль дээр саатуулагдсан тохиолдолд unurshop.mn сайтын Монгол дахь гардуулалтын төвөөс гаальд шаардагдах баримт бичгүүдийг ирж авна. Тээвэр болон төлбөрийн үлдэгдэлгүй тохиолдолд unurshop.mn сайтад бүртгэлтэй имэйл хаягаар баримтаа авч болно.
5.4.Гааль дээр саатсан бараагаа авахдаа үйлчлүүлэгч холбогдох бичиг баримт, иргэний цахим үнэмлэхтэй өөрийн биеэр нисэхийн шуудангийн гаалийн салбар дээр очиж, зохих журмын дагуу ноогдсон татварыг төлж авна.
Гаалийн болон нэмэгдсэн өртгийн татвараас чөлөөлөгдөх илгээмж
2.1.Гаалийн тариф, гаалийн татварын тухай хуулийн 38.1.15-д заасны дагуу хувь хүний нэр дээр ирсэн дараах илгээмжийг гаалийн татвараас чөлөөлнө.
2.1.1.нэг сарын хөдөлмөрийн хөлсний доод хэмжээг 10 дахин нэмэгдүүлснээс дээшгүй үнийн дүнтэй, ижил төрлийн хоёроос илүүгүй бараа бүхий, хувь хүний нэр дээр илгээсэн илгээмж.
2.2.Нэмэгдсэн өртгийн албан татварын тухай хуулийн 13.1.24-т заасны дагуу хувь хүний нэр дээр ирсэн дараах илгээмжийг нэмэгдсэн өртгийн албан татвараас чөлөөлнө.
2.2.1.нэг сарын хөдөлмөрийн хөлсний доод хэмжээг арав дахин, зөөврийн компьютерийн хувьд нэг сарын хөдөлмөрийн хөлсний доод хэмжээг гуч дахин нэмэгдүүлснээс дээшгүй үнийн дүнтэй, ижил төрлийн хоёроос илүүгүй бараа
/ Ижил төрлийн бараа гэдэг нь: Гаалийн тариф, татварын тухай хуулийн 12.2-т “Ижил төрлийн бараа” гэдэгт үнийг нь тодорхойлж байгаа бараатай бүх талаараа адил биш боловч үндсэн шинж байдал, бүрдэл хэсэг, зориулалтаараа ижил, арилжааны талаас нь аль алинаа орлож чадах барааг хэлнэ” 12.3-т “Ижил төрлийн барааг тодорхойлоход барааны чанар, тэмдэг, нэр хүнд, гарал үүслийн улсыг харгалзан үзнэ” гэж заасан. /
Жишээ нь : Таны нэр дээр хүүхдийн гутал 1ш, эмэгтэй гутал 1ш, эрэгтэй гутал 1ш нийт 3ш гутал ирсэн. Энэ тохиолдолд нийт үнийн дүн 2 сая 400 мянган төгрөг хүрээгүй ч нэг төрлийн бараа гэж үзэж татвар тооцож авна. Харин таны нэр дээр өмд 2ш, цамц 2ш, гутал 2ш нийт 6ш бараа ирсэн. Энэ тохиолдолд нийт үнийн дүн 2 сая 400 мянган төгрөг хүрээгүй, ижил төрлийн бараа 2-оос илүүгүй байгаа тул та татвар төлөхгүй.
6. Хүргэлт
6.1.monwol.mn cайт нь захиалагч, үйлчлүүлэгчийн хүсэлтээр захиалгын барааг Улаанбаатар хот болон хөдөө орон нутагруу хүргэх, илгээх үйлчилгээг үзүүлнэ.
6.2.Улаанбаатар хотод хүргэлтийн үйлчилгээг бүсчилсэн үнийн тарифаар тогтооно.
6.3.Орон нутаг болон бусад улс орноос хийгдсэн захиалгын хүргэлтийг хот хоорондын тээвэр болон улс хоорондын шуудангийн байгууллагуудтай хамтран гүйцэтгэх ба хүргэлтийн төлбөрийг урьдчилж төлсөн байх шаардлагатай.
7. Бараа хадгалах, хураах, устгах
7.1. www.monwol.mn сайтаар дамжин хийгдэж байгаа захиалга болоод илгээмжийг түр хадгалж болох бөгөөд хугацаа хэтэрсэн тохиолдолд байгууллага хохирлоо барагдуулах, агуулахаа чөлөөлөх үүднээс барааг хураах, устгах эрхтэй.
7.2.Захиалга Монголд ирсэн талаар www.monwol.mn сайтнаас мессэжээр мэдэгдэнэ. Мэдэгдсэн өдрөөс хойш 5 хоногийн дотор ирж авна. Заасан өдрөөс хэтэрсэн хоног тутамд хадгалалтын төлбөр тооцогдоно.
7.3.Барааг түр агуулахад 2 сар хүртэл хугацаагаар хадгалах бөгөөд үйлчлүүлэгч хүсэлт гаргасан тохиолдолд хугацааг 1 сараар сунгах арга хэмжээ авч болно.
7.4. 7.3-т заасан хугацаанд үйлчлүүлэгч захиалга болон илгээмжээ хүлээж аваагүй тохиолдолд байгууллага хохирлоо барагдуулах болон агуулах чөлөөлөх үүднээс барааг хураах, устгалд оруулна.
7.5. 7.4-т заасан үйл ажиллагаанд байгууллага барааг зарж борлуулах, Англи Улс руу буцаах, ашиглах боломжгүй тохиолдолд 2 болон түүнээс дээш хүний бүрэлдэхүүнтэйгээр барааг устгах үйл ажиллагаа хийгдэнэ.
7.6. 7.5-д заасан үйл ажиллагаатай холбоотой гарсан зардлыг тухайн захиалагч/иргэн, хуулийн этгээд/ бүрэн хариуцна. Таны урьдчилгаа болгож төлсөн төлбөр буцаан олгогдохгүй бөгөөд төлсөн төлбөр үйл ажиллагааны зардалд хүрэлцэхгүй тохиолдолд байгууллага захиалагчаас нэмж төлбөр нэхэмжлэх эрхтэй.
7000-0509
Нэвтрэх / Бүртгүүлэх
